Manoj Kamat
तूं ज्या रुपांत
हांव तुका
थंय दिसतलों
खर इत्सा करशी
हांव रुजतलों
उलो मारशी
रोखडोच पावतलों
इश्ट मानशीं
गरजेक धांवतलों
काळजाचेर हात दवरून
म्हजो उगडास काड
मूर्त रुपांतल्यान अमूर्त
दिव्य रुपांतल्यान सुक्ष्म
हांवूच भावतलों
हांव
हावेस
तुज्या मनांतलों
हांव
मोग
तुज्या काळजांतलों
हांव
त्याग
तुजे दानतींतलों
हांव
दिश्टावो
तुज्या दोळ्यांतलों
हांव
विश्वास
तुजे पारखणींतलों
हांव
सासाय
तुजे उर्बेंतलों
काळजाचे
खोल खोलायेंत
जंय निखळ भावनांचो
उदेव जाता
मधूर मायेचो
लक्तुबायेचो
झरो व्हांवता
थंयच हांव वसतां
मनाच्या
अथांग सागरांत
विचारांचे वसाडीनीं
शांतताय पातळटा
त्या अव्यक्त
म्होवाळ संगिताचे लयेंत
सुरांच्या परमळान
हांव सजतां
हांव पयस नां
हांगाच आसां.
By Manoj N. Kamat
