avinash kunkolkar
मारगायेच्या दुशकाळांत
शेतकार रडटात बावडें
भाजी सगली मारग जाली
टमटाचो दर मळबाक तेकलो
तांबडे टमाट गिरेस्त जालें
पूण ताका जल्माक घालपी
शेतकार मात गरिबूच उरलें
कांद्याकूय आयलो जोर
दर दिसान दीस वाडता
रादचे कुडींत फोडणीं घालपी
बायलां दुकांनी रडतात
कांद्याची पात
कोण जाणा जाली खंय नात
पयली मेळटाली पांच रुपयान
आतां शंबराक सात
वांयग्याकूय चडलो कोर
भेंड्याक शिरो जालें आठ
घरार दुदी दिसना हालीच
शेतांत जमनींत लिपून रावला बटाट
पडवळें बी जावक लागलें वाकडें
फुलावर चडूच फुलूक लागला
जाका पिळून रस काडटालो
तोच लिबूं आतां दुसर्यांक पिळूक लागला
बारीक मोटी तरनी मिरसांग
हिसीपा भायर तिकट जाली
शाकाहारी जेवतल्यांची
परिस्तीती बिकट जाली
कोतमिरेचे चुळयेंत
तोणाचो आसापाव जालो
शेतकामत्याच्या खर्यापणाचो
भ्रश्टाचारान घात केलो.
By Avinash Kunkolkar
Manoj Kamat
