avinash kunkolkar
आयज आमच्या पोरसांत
हांवें फुलपाकूलें पळयलें
फुलां फुलांचेर नाचून, खेळून
सोबीत सोबीत पाखांचें
तांबड्या, हळदुव्या,निळ्या,
जांबळ्या कोराचें
ल्हान व्हड फुलपाकुलें पळोवन
मन मोहीत जाता सगल्यांचें
ह्या झाडावयल्यान त्या झाडार
फुलपाकुलें फुलां फुलांर
धरूक तांकां वचत जाल्यार
उडूंन वतात मुखार मुखार
तांकां आमीं धरीत जाल्यार
पाखें तांचे तुटतलें
तुटिल्ल्यां पाखांनी
फुलपाकुलें कशें उडटलें?
फूलपाकुलें फुलयता फुलां
फुलां सैम फुलयता
शाणें भुरगें फूलपाकुलें पळयता
मोस्तें तेंच तांकां धरता.
तुमीं मोस्तें जाय नाका
फुलपाकें पळयात, धरू नाका
ताचें जगणें जगूदी तांकां
अन्याय तांचेर करू नाका
By Avinash Kunkolkar
