ताचे कडेन आंगवस्त्रां नांत
म्हूण तूं **डो भोंवूं नाका
ताकाय कपडे मेळटले
म्हणपाचो हट्ट धर
तो रस्त्यार न्हिदता देखून
तुज्या घराक उजो लावं नाका
ताकात आसरो मेळूंक
इल्ली धडपड कर
तो चलून भोंवता पळोवन
तूं विमान सोडून दिवं नाका
तोवूय मळबांत उडचे खातीर
ताच्या पाखांत वारो भर
ताचो दिवो मिणमीणटा चिंतून
तूं काळखांत रावं नाका
चंद्र निखळावन हाडसर
ताच्या हाताक धर
तेन्ना हांव तुका वण्टीर न्हय
पूण काळजांत खिळ्याक लायतलें
फडफडपी तिरंग्या मुळांत
तुजीच व्हडवीक गायतलें
तुजीच व्हडवीक गायतलें…

By Guadalupe Dias