Prakash Naik
काल पयर केल्लो रस्तो
आयज खचलो
तो गेलो…
ताच्या फाटल्यान…
सगलो घराबोच खचलो!
दोंगर कोंसळ्ळो
मातयेपोंदा तो गेलो….
घरांत उरिल्ल्यांचेर
दुख्खाचो दोंगर कोंसळ्ळो!
निखळ्ळें पालसण
तो पोंदाक…
जीणभर रणरण
बांद निसण, शेवट… सरण!
राखणे वणत कोंसळ्ळी
हांगां घरची राखणूच गेली
काचूबुचू रडटात…
पोल्यार येवन दुकां आट्टात!
देंगण कोंसळ्ळें…
कर्तो पुरीस कोंसळ्ळो
रस्तो नांवाचो सांपळो
मनीस…? मनीसपण विसरलो!
सरकारी ठेकेदारी
दरोड्याखातीरूच ही तिजोरी
रस्त्यारस्त्यार फोंडकुलांची झारी
सव्वाय जीणेची हांगां उधारी!
By Prakash Naik
Manoj Kamatहे रामाजैताचीं पर्वां जोडूनलेगीतमनशान जें विद्रूपमुखें घालांपातकांचीं पारायणांकरपाचो हट्ट धरला हो आतंकउपकार करूनब्रह्मास्त्रान आड उडयअगस्त रुशिच्या उपकारांतसासणाक आमी रावुयाकाळखांतल्यान उजवाड सोदुया हे सीतेतुवें आपणाचोच न्हयपुराय अस्तुरेच्या राखणेचोनिश्चेव केल्लोपूण आयज रावण…
Manoj Kamatउतरां तुजीं सोबीत म्होवींउगडासांनीं उरिल्लींजीण खोशयेन भरून आयजइश्टागतीन फुलिल्लीं… काळीज तुजें नितळउलोवप तुजें गोडदोळे नकसूद कोरीवलायतात तुजी ओडभरून काळीज उमाळ्यांनी… ओठार तुज्या फुलता कवनसादे- सरळ जिणेंत तुजेनमळकाये जाता दर्शनजीण म्हळ्यार…
