खांडेपार न्हंयक तेकूनच श्री सप्तकोटेश्वराचें प्राचीन देऊळ पळंवंक मेळटा. सुमार अकराव्या शेकड्यांत तें बांदिल्लें आसूंये असो पुरातन खात्याचं अंदाज आसा.

न्हंयचे धडेर आनीं ते वटेनचो वाठार रान जंगलाचो आशिल्ल्यान साहजिकच पावसाळ्यात ह्या देवळा भोंवतणीं न्हंयचें उदक भरता. या वरसा तर अदीकच उदक भरिल्ल्याचो व्हिडिओ पळंवंक मेळिल्लो.

खांडेपार वाठारांतलो लोक या देवळा लागींच आशिल्ल्या श्री दत्तमंदिर आनीं वाठाराची तुळा नृसिंहवाडी वा नरसोबावाडीच्या वाठाराबरोबर करतात. घडये देऊळ वयर आशिल्ल्यान न्हंयचें उदक देवळां भितर पावना आसतलें, पुण वयर या देवळाक तेकता अशें दिसता.

तेकूनच आनीं एक सुंदर अशें श्री केशव मंदिर आसा. ह्या मंदिराचें स्थापत्य आनीं बांधकाम सुंदर आसा. हें देऊळय सुमार आठशीं वरसांचें आशिल्लें. मूळ लाकडाचें आशिल्ल्यान ताचो हालींच जीर्णोद्धार करून ताका आकर्शक रुप दिलां.

हो वाठार खांडेपार पूलाकडेन ओपा उदक प्रकल्पाच्या वटेन तर पूलाचे दुसरे वटेन सादारण एक किलोमीटर अंतराचेर हेच न्हंयक लागीं प्राचीन काळातल्यो गूंफा पळोंवंक मेळटा. एका गुंफा बांदकामांत तीन दारां आसात तर विरुद्ध दिकेक एक वेगळी गुंफा आसा तातूंत लिंगाची थापणूक केल्ली पळंवंक मेळटा.

न्हंयचें हुंवाराचें उदक ह्या गुंफांमेरेन पावता अशें त्या वाठारावयले मातये वयल्यान लक्षांत येता. गुंफांक तेकूनच तेन्ना उदक साठोवन दवरपाची तजवीज केल्ली आशिल्ल्याचें लक्षांत येता.

हांगां लोक पांडवांच्यो गुंफा म्हणूनय पाचारतात. हीं दोनूय थळां गोंय पुरातन खात्यान वारसाथळां म्हणून जाहीर करून तांची जपणूक केल्या.

By Ranjan Naik