avinash kunkolkar
ल्हान भूरगीं हीं मातयेच्या गुळ्या भशेन आसतात. जसो तांकां आकार दिता तशी तीं घडटांत, भूरग्यांक घडोवोक ताच्या आवय बापायचो तसोच शिक्षकांचो मोलादीक वाटो आसता. वाचनांत, बरोवपांत जाव दुसर्यांनी वाचिल्ले आयकपांत भुरगीं सदाच कितें ना कितें शिकत आसता. भुरग्यांत वाचनसंस्कृती निर्माण कसचे खातीर तांकां वाचनाची सवय ल्हानपणापासून लावप खूब गूरजेचें.
पुस्तक हे भुरग्यांचे पयलें खेळणे जावक जाय. भूरगें णव म्हयन्याचें जाता पासून तांच्चा हातांत जाड पानांचे, फकत उतरां आनी चित्रां आशिल्ले पूस्तक दिवक जाय. हे पुस्तक रुपी खेळणे भुरगें तीन वर्सां जाय मेरेन तांच्या हातांत दिवचे. हो एक खेळ समजून तांकां तो खेळूक दिवचो. ते एक बालसाहित्यांतलेु शिशूसाहित्य जावना आसा.
ल्हान भुरग्यांत वाचनाची आवड निर्माण करची आसल्यार तांकां चित्रां आशिल्ली ल्हान ल्हान काणयाची पुस्तकां वाचूक दिवची वा वाचून दाखवची. काणयांतल्यान चित्राची वळख तांकां करून दिवची. ल्हान भुरग्यांच्या फुड्यात स्वताच पालकानी काणयाची पुस्तकां वाचची, रातच्यावेळार भूरगीं न्हिदच्या पयली तांकां तांचे आवडीच्यो काणयो सांगचे. त्या मजेदार काणया वरवी भुरग्यांत वाचनाची आवडनिर्माण जावक शकता.
घरांत खुब्बशी पुस्तकां आसप गरजेचे आनी ती भुरग्याक रकडीच मेळटा तशी दवरची. भुरग्याच्या वाडदिसा निमतान तांकां ताचें आवडीची पुस्तकां भेट दिवची.भुरग्यां खातीर एक ल्हानसे घरातूच वाचनघर आसल्यार बरे, जेणेकरून भुरग्याक पुस्तकां विकत घेवपाची आवड जातली. भुरग्यांनी खयचे तरेची पुस्तकां वाचची हे तांच्या घरच्यानीआनी शिक्षकानी तांकां सुचवचे आनी आपले भुरगे कितें वाचता ताचेकडेनूय तुमचे लक्ष आसूक जाय…!
भुरग्यांच्या भुरगेपणात तांकां मोबायल वा विडिवो गेमी हाच्या पासून पैयस दवरचे. शारांत खूयसरूय जर पुस्तक प्रदर्शन लागेला आसत तर आपल्या भुरग्याक घेवन त्या प्रदर्शनांत वचचे आनी भूरग्या खातीर कांय नवीन पुस्तका विकत घेवची.
बरे भाशण करतलो जाल्यार खूब वाचन करप गरजेचे, बरी मायती मेळयतलो जाल्यार सदांच दिसाळे वाचप गरजेचे. दिसाळ्यांत आमकां खूबशे न्यान मेळटा. खेळा विशी, राजकरणा विशी, देशा विदेशा विशी खूब मायाती मेळटा.
पुस्ताकाची काळजी कशी घेवप, ते चड खाळ कशे तिगवन दवरप, आपलें पुस्तक दूसर्यांक वाचूक दिवप, दूसर्याचीय पुस्तकां वाचूक घेवप आनी रकडीच परत दिवप हे सगळे भुरग्याक शिकवचे.
वाचन मनशाक संतूश्ट करता, वाचन चिंतनाक चाल दिता,वाचन संस्काराचे बीं रोयता, वाचन समाजाक नितीचे बळ दिता. देखून खूब खूब वाचूया बरे बरे बरोवया. सिहित्याचे धन वाडवया….!
By Avinash Kunkolkar
