नोकरी मागपा येतना बाबडे जावन येतात. सादी सुद्धां नोकरी मेळटकच कांय जाणांक रोकडीच मस्तका मारता !
पणजेसावन येतना वाटेर पेट्रोलपंपार पेत्रोल घालें आनीं ( टायरा वारो फुकट ) म्हण्टकच तपासया म्हणून मशीना मुखार गाडी थामयली.
थंय कोण नाशिल्लो. म्हणटकच दोन तीन फावटी हॉर्न वाजयतकच एकटो जिवार येवन म्हणटात तसो येता तो दिसलो !
बारीक पिरपिरी पावस पडटालो. तो येवन वगी रावलो. वारो तपासपाची चिन्नां ना, अशें पळवन हांवें विचारलें, कितें जालें ? बारीश हो रही है, पात्रामने छाता दिया नहीं है, ताणें जाप दिली !
म्हजी सटकली म्हणटात तशें जालें. मनांत म्हळें, शांत शांत !
हांवें ताका मोगान विचारलें, तुम घरसे कामपर कैसे आते हो ?
ताणें जाप दिली, सायकलसे. सायकल तुमको पात्रामने दी होगी ना ? ताणें जाप दिली, नहीं.
परत विचारलें, तुम ड्यूटीपर दोपहरको खाना खाते तो होगे ? ताणें जाप दिली, हां खाता हूं. हांवें म्हळे, खाना भी पात्राम देता होगा ना ? ताणें जाप दिली, नहीं.
हांवें परत विचारलें, घरसे कामपर आते वक्त बारीश आयी तो तुम कामपर नहीं आते होगे. शाम को घर जाते वक्त बारीश आयी तो घर नहीं जाते होगे ना ? नहीं. जाता हूं. ताची जाप. हांवे़ं म्हळें, भिगकर आते – जाते होगे ? ताणें जाप दिली, नहीं. छाता है ना ?
अच्छा है, अब एक काम करो, यहाँ एक बोर्ड लगाओ, हवा डालनेके समय बारीश आयी, तो मैं अपना छाता इस्तेमाल नहीं करूंगा ! गिराक को अपना छाता देना पडेगा !
तो चूप पडलो. वगीच गाडी आगे ले लो, पीछे ले लो करून नखरे करून वारो तपासलो.
भौतेक सगळ्या पंपांर हे असले खास भूमिपुत्र भरल्यात. ते इतले मुजोर जाल्यात कि, आपूण परकी राज्यांत आसात, हाची तांकां जाणविकाय ना. तांचीबी चूक ना. आमीं गोंयकार सहिश्णू बी म्हणटात तशे !
गोंयांत आमकां फुडारा कितें कितें पळवपाचें आसा, हाचो हो ट्रेलर जांव येता काय !

By Ranjan Naik