पावस ओतत आसा
मनां ओलीं जातांत
मळब फुटत आसा
कपलार आठयो फुट्टात
न्हंयो तुडूंब भरत आसात
काळजाक हुंवार येता
बांयों बुडत आसात
मनांत चिंता वाडटा
व्हाळ व्हांवत आसात
फायचो हुस्को जाता
झरे फुटत आसात
एक भिरांत वाडटा
वझरे मिरयत आसात
मनांत निनांवी भंय उप्रासता
घरां कोंसळत आसात
कट्टी हातांत येता
धडो कोंसळत आसात
सरकारी सोंपणां झरयता
पालसणां कोंसळत आसात
सरकारी यंत्रणां जागी जाता
झाडां हुमटत आसात
नवो अहवाल कोटी दितात
सामान्यांची सपनां
मातयेभरवण जातात
चिरो, भेगो, देगो
पांयांपोंदची जमीनूच निसरता…!

By Prakash Naik