Uday Mhambro
सुर्य अस्तमतेक वतना
हांवे चलपाक सुरवात केल्या
म्हजे नदरे सामकार आसा
वांकडी तिकडी वाट
दाव्या अर्दान
दिसता शेकानशेक पातळील्लो दर्या
आनी मळबान मांडल्यात
काळीकिट्ट कुपां
रातभर वाट माड्डून
फांतोड फुलचेआदीं
म्हाका मार्ग हुंपून
म्हज्या सपनातल्या गावांत पावूंक जाय
रातीचो काळोख
रातकिड्यांची किरकिर
घुगमाचो भेश्टावपी आवाज
म्हाका बळ दिता
नेटान पावली मारपाक
फाल्यां दिसाच्या उजवाडान
तुमी म्हाका सपनांतल्या गावांत
प्रत्यक्षांत पळयतले
तेन्ना तुमकां
रातीच्या भिरांकुळ काळखांत
हांवे माड्डील्ली
वाट दिसची ना !
By Uday Mhambro
Manoj Kamat
