म्हयन्याचो पगार ₹ १०००००.
वर्साचे जाले ₹१२०००००.
म्हयन्याचो खर्च :
२० टक्के आयकर =.₹२००००/-
देड लाख सूट मेळोवपाक ८०सी सी खाता एल आय सी, जी पी एफ आनी हेर हे सगलें मेळून म्हयन्याक उण्यांत उणे ₹१५०००
दिसाचो कुटूंबीक खर्च सुमार ₹२०००.
(तांदूळ‌ : ₹१००, नुस्तें : ₹५००, भाजी : ₹१००, दूद : ₹१००, नाल्ल, निरसांगो, हळद, कोंथमीर, मीठ, साखर, सोलां, च्या, पीठ,आमठाण, शाबू, तेल, तूप आनी हेर दिसपट्टे जिनस : ₹११००. )
₹२००० × ३० दीस = ₹६००००
दिसाचो कुटूंबीक हेर खर्च – गाडयेचें पेट्रोल :₹५००, कपड़े : ₹५०, गॅस सिलींडर : ₹४०, दर दिसाची भुरग्यांची फी आनी शिक्षणीक दस्तावेज : ₹१००. मेळून जातात ₹७००. म्हयन्याचे जाले = ₹२१०००
जी एस टी, घराची डागडुजी, घरच्यांचे
वाडदीस, सोयऱी- धायरी, शेजारी-पाजारी, इश्टमित्र हांचे वाडदीस, लग्नकार्या म्हणल्यार उण्यांत उणे म्हयन्याक ₹३००० तरी जायच. हे जाले वर्साचे ₹३६०००/-
म्हयन्याचो एकूण खर्च : ₹२००००+₹१५०००++₹६००००+₹२१०००+₹३६००० = ₹१५२०००
वर्साचो खर्च जालो = ₹१५२०००×१२= ₹१८२४०००
वर्साचो एकूण पगार = ₹१२०००००
वजा वर्सांचो खर्च=₹१८२४०००
वर्साची तूट =₹१२०००००-१८२४०००= ₹६२४०००
ही तूट भरून काडपाक मागीर बॅंकांची कर्जां.
हीं कर्जां भरपाक मागीर आनीक हप्ते. हप्त्यां खातीर मागीर आनीक वेगळी तूट.तुटीर तूट आनी मागीर…एक दीस ही सगली सोडून कटकट कटाकटा कटाकंटा…!
अशे तरेचें हें जगप मध्यमवर्गीय नोकरदाराचें!!
आनी, जांकां म्हयन्याक ₹१००००/- सकयल पगार आसता तांचें कितें ? तांकां जगप कांय मरप होच प्रस्न आसता.
आनी आमी दर वर्सा म्हणटात हें अदमास पत्रक(बजेट) बरें आसा. फकत दोळ्यांक उदक लावपाचें.
आमची लोकसंख्या १४० कोटी पूण फकत ६ कोटीच लोक आयकर भरतात. म्हणजेच फकत ६ कोटीच लोक दळडीर रेशे वयर आसात? सरकारी गणित आनी यंत्रणां कशी रसातळाक गेल्या ताचें हें जळजळीत उदारण! मागीर आमी विश्व गुरू जातले म्हणटात तें कितें तर? आभासूच?
ही आमच्या स्वतंत्र देशांतल्या लोकांची परिस्थिती.
म्हणून तर ८० कोटी लोकांचो हो अंत्योदय म्हणून मिरवणी. खऱ्यांनीच हें अंत्योदय? काय तांचो हो अंतअस्त? अस्त!
म्हणुनूच तें एकल्यान बरयल्लें,’हांगां मेलो तो सुटलो, उरलो तो मेलो!’

By Prakash Naik