गोंय सरकारच्या Office of the State Commissioner for Person with Disabilities हाणीं Department for Empowerment of Person with Disabilities हांच्या जोडपालवान मडगांवां रविंद्र भवनात घडोवन हाडिल्ल्या Indo Iranian Film Festival on Disability Issues ह्या विशयाचेर सामान्य हायस्कूल विद्यार्थ्यांखातीर दिव्यांगपणाचेर कांय ल्हान सिनेमा प्रदर्शनाची कार्यावळ घडवन हाडली.

State Commissioner गुरू पावसकर हांणीं म्हाका फोन करून आमच्या विशेश स्कूलांच्या तीन – चार विद्यार्थ्यांक घेवन यो म्हणून सांगिल्ल्यान हांव कार्यावळीक हाजिर रावलों.

हातूंतलो पंदरा मिनटांचो एक सिनेमा सगळ्यांचें लक्ष वेधून गेलो.

दर्यादेगेर एक भुरगो wheelchair चेर बसून दर्या उदकांत ल्हारांचेर मस्त जावन मजा करपी ल्हान व्हड लोकांक टक लावन पळयत आसा.

ताचो बापूय आवयक म्हळ्यार बायलेक उखलून घुंवडायता, उदकांत खेळ करता, तिका भिजयता, तिच्या पायांचेर ओली रेंव थापून पांय लिपयता, उदक मारून हळूहळू ती रेंव व्हांवयता. हो भुरगो सगळ्यां कडेन पळयत आसा.

आवय बापायक पळवन जितलो राग येता ताचे परस अदीक काकळूट भुरग्याक पळवन दिसता.

दरया उदकांत आनीं ल्हारां वांगडा मनसोक्त खेळून जातकच तेच मस्तेंत बापूय बायलेक उखलून मजेंत उठून उबो रावता. बापूय बायलेक त्या व्हीलचेअरांत बसयता. तिचे अपंग पांय वेवस्थित दोनीं पेडलांचेर दवरता.

व्हीलचेअरा फाटल्यान दोनीं मूठींक धरून बापूय हळूहळू ती धूकळीत फुडें वतात आनीं पयस वतात तशीं दोळ्यांआड जातात.

सुरवातीसावन निमणीं तीन मिनिटां पळयतल्याक त्या भुरग्याची काळकूट आनीं आवय बापायचो राग येतालो, तो खिणाभितर नाच जाता.

रागाची सूवात आवय बापायचे अपुरबायेन घेतिल्ली पळोंवंक मेळटा.

इश्टांनों, सगळींच दिव्यांग भुरगीं दादले बायलो वळखूं येनात. तीं तुमच्या आमच्या सर्वसामान्य मनशांभशेनच दिसतात. तांचेकडेन संपर्क येतकच वा संपर्क सादतकच तीं सामान्य मनशापरस वेगळीं आशिल्ल्याचें लक्षात येता.

या भुरग्यांक दादले बायलांक झिडकारनाकात, तांकां गरज पडटा तेन्ना मदत करात, आदार दियात.

लक्षांत दवरात तांकां तुमची काकळूटक न्हीं, तुमची अपुरबाय आनीं गरज पडटा तेन्नाच आदार दियात.

By Ranjan Naik