नाकां तुज्या तोंडार दवरूंक

केन्ना कुसकें काळें ल्हाशें

काळजांतल्यान येवं दी सदां

खळखळून नितळ हाशें

पयलीं ताका करूनी हॅलो

मागीरुच.. हांव करतलो

चितप अशें दवरून सांग

कोण फुडें सरतलो ?

तूंय पेल्याक वचून लागीं

हासून मात्सो हटकी म्हरे

नातर तोय नेटान म्हण्टलो

तोंडार पडल्या पटकी‌ म्हरे

दिसता सदाच दुसऱ्यान तुकां

लागीं येवन हडकीचें शें

तुंय मात्शें दी रे स्माईल

आतेसांव वळखीचें शें

बोकल्याक जर लागले दिसूंक

हांवूय एक व्हडलो शिंव

नाकांत करूंक राग ताचो

जाता जाल्यार करात किंव

जावया सगळे बिनधास्त आमीं

थेवया हासरो-खेळटो मूड

नमळीकायेक येवं दी ओतो

वडीक मारया एटिट्यूड रे

वडीक मारया एटिट्यूड

By Ramesh Saju Ghadi