शेता धडेर आसचे म्हजे

घर गांवठी नळ्यांचे

घरा फुडल्यान पोरसू ल्हान

शेवतीं मोगरे कळ्यांचे.

शेतांत म्हज्या पिकचे भात

भात खांडये कुंबानीं

मुडयो कड्यांत भरचे भात

सगळ्या रूमां-सालांनीं

घरा फाटल्या गोरवां-गोठ्यांत

गायें पाडकां हांबूरची

कुशीर वळुन न्हिदेंत हांवें

गोधडी घट्ट कांबूरची.

रूमडा झाडार शिरबी कोगुळ

सांजे वेळार रावची गायत

एका पायार उबीं बकीं

तोंची हालयत ….

खरवो खायत.

आमोरेचें शितळ वारें

खळ्यांत म्हज्या येवचें खेळूंक

काजुल्यांची लिकलीकत

पोरांय म्हाकां येवचीं मेळूंक.

खुर्सा मुखार पेटच्यो वाती

तुळशी म्हऱ्यांत निरंजनां

सुखांत रावचो शेजार म्हजो

निंदुकायो नासतना रे

निंदुकायो नास्तना.

By Ramesh Saju Ghadi