Ramesh Ghadi
ती पोरसांतली लाठ
तो मेरेचो तांठ
तो लिंगडीचो बांद
ती मोडिल्ली मूस
तो मुशीचो कान
ते कुमयाचे झाड
ताचे दाटेले पान.
तो गोठणीचो व्हाळ
ती शिमण्यांतली वस
ते सांगोडचे तळे
ती शिंगाडी म्हस.
ती पोरसांतली बांय
ती उदकाची हातन
ते जळकुरें वत
ती गोरवांची राखण.
ती घराची वसरी
ते शेणाचे खळें
ती लिंगडीची वंय
ते कावळेचे दोळे.
ते दीखाळे आंबे
ती॑ फुटीची घोटां
ती वाकडेली चींच
तीची आमटेली बोटां.
त्यो पोरनेल्यो यादी
सपणान म्हज्या येतात
कुळाराचे ओढीन
काळीज पोशेतात.
हांव न्हिदेंत वथरेता
खोशयेन सोशेता
कुशीर ही वळत
मोठ्यान वारकता….
हालीसराक गा तुमी..
केदय़ान घोरेतात ?
Manoj Kamat
