Manoj Kamat
पावसान झोडपून काडटकच
मानशेचे घान्डे उगडटाले
पावशी उदकान मिस्तुराद न्हंय
मिरयत गांवान रिगताली
शेतांनी
शेतकारांच्या काळजानीं
पनेळ घेवन
भोवंडी मारतना
पावस पिरपिरतालो
पोंदा दाट चिखल
निराशेचो
उदकावयर तरंगताली आस
सपनां पनेळ चलोवपाचीं
म्हजो पनेळ धांवतालो
शेणिल्ल्या घोड्याभशेन मेकळिकेन
हांव पिंजऱ्यांतल्यान
सुकणें जावन भायर सुट्टालों
पयस दिगंताचेर
पावस दाट्टालो
जोगलावणी पेट्टाली
शिरंतरान
ह्या रंगखेळांतल्यान
तांबशी फुट्टाली
एका नव्या फुडाराची
म्हजो पनेळ
केन्नाच तडीक लागनासलो
परतून
मन नवे उर्बेन भरून
उदात्त जातालें
इंद्रधनू कशें.
By Manoj N. Kamat
