Manoj Kamat
स्वातंत्र्य वीर हिंदुत्ववादी नेक
भागुर नासिकांत जल्मलो सेनानी एक
दिश्टावो जालो भितरल्या कवीक
क्रांतीचो गाजयलो ताणें धेक
‘अभिनव भारत’ संघ स्थापूंक
चडलो रंग स्वातंत्र बंडाक
बंगाल अमान्य विभाजक
होळी पेटली कपड्यांची पुण्याक
‘भारताचें स्वातंत्र झूज’ होलंडाक
ओंपलें शिपायांच्या विद्रोहाक
वकील पदवी घेतली लंडनाची
केली स्थापणूक फ्री इंडियाची
प्रेरणा दिली विद्यार्थ्यांक सुटकेची
लडोवपाक क्रांत आत्मसन्मानाची
स्फोटकां पेटलीं आकांताचीं
ढींगरान केली हत्या कर्जनाची
लिखणेतल्यान विचार उठलो
स्वातंत्र्याच्या भावविश्वान पेटलो
इंगळ्यांचो जहाल ओघ उतरांनी जळलो
काळजांनी क्रांतीचो प्रवाह फळलो
पोवाड्यांतल्यान नाद तो गाजलो
बातमीपत्रिकेंतल्यान धारेन चिरलो
पत्रकारितेन तेजवंत हो फांकलो
इतिहास, काव्य,नाट्यछटांनी जिवूय ओतलो
शिरकायलो फिरंगी सरकारान
घातक पिस्तोलाच्या जुर्मान
बोटीच्या जनेलांतल्यान उडी मारून
पेवून गेलो तो फ्रांसान
नाशिकाच्या कलेक्टराक तेमान
जैक्सनाक शडयंत्रान मारून
‘ दुपेट काला पानी ‘ ख्यास्त दिवन
धाडलो सेल्युलर जेलीन
अथक कश्ट परिश्रम सोसून
धुकल्ले दीस पोर्ट ब्लेयरान
जालो असो एकूच आत्मो निजाचो
थरथर ताच्या तेजान इंग्रजांचो
सावरकर तो निबर बळग्याचो
व्हड तो सुपुत्र भारताचो
उगडास ताच्या धडाडीचो
सासणाक काळजांत बाळगुपाचो.
By Manoj N. Kamat
