Manoj Kamat
रत्नागिरी जिल्ह्यात
जल्माक आयले ‘ बाळ ‘
सोंसलो तांणीं झेलून खांद्यार
संकश्टाचो काळ
बुदवंत आसले आनी नमळ
इश्टांचे आदारी
सरळ मार्गी मेकळे ते
खूब विचारी
स्वराज्याचो, स्वातंत्र्याचो
मारलो उलो कणखरपणान
इंग्रजलेगीत भिले तांकां
नमले तांच्या बळान
एकवटीत हाडले लोकांक
देशप्रेम जागयलें
रासवळ गणपती, शिवजयंती
उत्सव मनयले
केसरी आनी मराठांतल्यान
उतरां गडगडलीं
नाइलाजान इंग्रजांनी
बणखणीची वाट दाखयली
सात वर्सा सारचीं पडलीं
तांकां बंदिवासांत
गीतारहस्य बरयलें तांणीं
ग्रंथांच्या सहवासांत
मंडालेची बणखण आयली
तेन्ना नांवा रुपाक
जिद्द गाजली आनी तेज
भारत -भुंये सुटके झुजाक
लोकमान्य पदवी दिली
तांचे कर्तव्य निश्टेक
अजरंवर जालें नांव
मान प्रतिश्टेक
तरणाट्यांनी घेवचे तांचे
धाडशी कणखर विचार
संवसारभर करीत रावचो
स्वराज्याचो प्रचार.
By Manoj N. Kamat
