Manoj Kamat
सुटके झुजा वावरांत
वेगळी दिली सलामी
मुक्त करूंक मांयभुंयेक
पैस करूंक गुलामी
कट्टक जालो जल्म
हुशार घराणें
उचेंलें शिकप तशेंच
आस्तीक रहाणें
तरणाट्यांचो फुडारी
फोरवड ब्लोक संघ
कोंग्रसीचो वांगडी जरीं
वेगळो ताचो रंग
नजरकैद केलो ताका
ब्रिटीश सरकारान
पठाणाच्या भेसांत रातीर
भायर सरलो व्हड धिरान
जर्मनीची धरली वाट
तडक मेळ्ळो हिटलराक
सैन्य घडोवंक जाय आसलें
भारत देसा विजयाक
जर्मन पाणबुडयेन आयलो
मादागासकर , सुमात्रा
जपानी पानबुडयेक जोडून
सिंगापूर तांची खडतर यात्रा
जय हिंदाचो दिलो नारो
मुक्तिचो खेळ्ळो वारो
तुमी दियात रगत म्हाका
मेकळीकेचो दितलों थारो
खाकी वर्दी ताठ मान
रगता कणकणी स्वाभिमान
झुजलो तो निबरपणान
वच मेरेन आपलो प्राण
कोहिमा, इंफाळ , मंडाले
गाजलें ताच्या अमर नांवान
टोकीयो मेरेन धीर आनी
भारतीयांच्या काळजांत स्थान
By Manoj N. Kamat
