Manoj Kamat
उलयतनां उतरां घुस्पतालीं
वेगळो अर्थ उक्तायतालीं
काळजां दुखतालीं
मनांलेगीत दुखयतालीं
नदरेक नदर जुळनासली
दुखा झालर कळ नासली
विचार तीं करीनासलीं
दोळ्यांक झापण लायनासलीं
लिखणी मात तशी नासली
शाय आनी विचारांची वीण आसली
शाय कागदार व्हांवताली
मना रिजवण करताली
शांत जावन नंदताली
गिरेस्त दायज उक्तायताली
उतरां सोबीत मांडटाली
भौसा मनां रिझयताली
विचारांत क्रांत घडयताली
प्रबोधन ती करताली
दिका दिवन नवे पिळगेक
उर्बा तांची वाडयताली
तींत सोंपमेरेन धांवताली
आपार मोड मेरेन झरताली
नवीं तासां दिताली
देश नवो घडयताली
लिखणीच म्हजी निखळ बरी !
म्हजे जिणेचो हारसो खरी.
By Manoj N. Kamat
