दिव्यांची परब मनोवया
मनां उजवाडान भरूंया

पणट्यो दिवे पेटोवन सगळी,
काळोख, लखलखांत बदलूया.
दिव्यांची परब मनोवन आमी,
मनां, उजवाडान भरूंया.

सुगंधी उटणे लावन आंगाक,
न्हाण, अभ्यंग घेवया.
कूड आमची निवळ करतना,
विचारांक, चकचकसाण हाडूंया.

सप्तरंगान भरिल्ली रांगोळ घालून,
मनां, आनंदान रंगोवया.
गोड गोड जिनस खावन,
म्होवाळ, उलोवंक शिकूंया.

वासु बारसाची पूजा करून,
मोग, मोनजातीचो दाखोवंया.
तुळस उसाचें लग्न करून,
सबंद, सैमाकडेन जुळोवंया.

भावबीजेचो पवित्र सुवाळो मनोवन,
नातें, भयणीभावाचें तरतरावया.
हांसत खेळत नाचत आमी ,
व्हडवीक, दिवाळेची गावया.

By Subhash Lotlikar